Lajmi Shqip

Nga: Elsa  BALLAURI

Në kuptimin e drejtpërdrejtë të saj,  është e njohur si një lloj ekzistence e filozofisë politike, që lidhet më shumë me krijimin e një mjedisi të favorshëm për ta promovuar dhe debatuar politikën. Asgjë e keqe. Përkundrazi, një dimension më shumë….Por, në këtë rast, nuk dua t’i përmbahem këtij definicioni, dua të flas për politikën virtuale që realizohet në atmosferën e një vendi ku politika qëndron në aspektin e saj abstrakt: një nevojë për të folur dhe një mungesë dëshire për të realizuar ato premtime për të cilat është folur, një realizim virtual në vend të një realizimi real dhe konkret. lexo me teper »

Opozita tashmë ka zgjedhur çështjen brenda gjirit dhe do të ketë një optikë më të qartë për rolin e saj.Por çështja është nëse ka fituar PS apo ka humbur gjatë kësaj periudhë që ajo ka qenë inekzistente.Natyrshëm që rolin dhe funksionin e saj, opozita nuk e ka kryer aspak në këtë kuadër ajo ka dështuar dhe ka bërë hapa prapa.Asnjë kritikë nuk erdhi për qeverinë e re, asnjë kritikë apo alternativë ndryshe nuk erdhi për programin qeverisës për 4 vitet e ardhshme. lexo me teper »

Gruevski edhe Georgievski kanë të njëjtin qëllim, realizimin e ndarjes së Maqedonisë sipas projektit të ASHAM-së në vitin 2001. Por, ata edhe dallohen. Frymëzimi i kryeministrit aktual vjen nga Beogradi dhe ka gjasa reale të jetësohet.

Shkruan: Lirim  DULLOVI

Duhet të jesh i marrë për të mos kuptuar prapavijën e politikës që udhëhiqet nga kryeministri i Maqedonisë, Nikolla Gruevski. Pikërisht të tillë janë shumica e politikanëve shqiptarë në Maqedoni. Jorastësisht u hartua edhe enciklopedia e famshme maqedonase, prej të cilës politikanët tanë kërkojnë të distancohet kryeministri, njeriu i cili financoi këtë projekt dhe i cili bëri promovimin e tij. Ai më 16 shtator mes tjerash kishte thënë se “ky projekt ndoshta nuk është tregues i plotë për jetën dhe zhvillimin e Maqedonisë, mirëpo kjo vepër, në mënyrë autentike skenon pikëpamjet maqedonase për të kaluarën dhe të tashmen kulturore dhe politike kombëtare dhe pretendon të jetë informatë objektive dhe integrale për ne dhe vendin tonë”. lexo me teper »

Nga: Dr. Agron  FICO

Dijet shkencore, që janë një dhuratë fisnike e mendjes së njeriut kanë qenë dhe janë dritë dhe busull në zhvillimin e njerëzimit. Shkenca dhe kultura kanë qenë dhe janë burime të fuqishme të përparimit dhe të miqësisë së popujve. E ashtuquajtura enciklopedi e Maqedonisë, që u vu në qarkullim, kohët e fundit, përcjell mesazhe jo vetëm të gabuara, antishkencore, por edhe antishqiptare.Shqiptarët janë ndër popujt më të lashtë. Zbulimet arkeologjike, dokumentet historike, dëshmitë e historianëve klasikë, të historianëve të periudhave të ndryshme historike, mbi të gjitha vet gjuha shqipe provojnë katërcipërisht lashtësinë e shqiptarëve. lexo me teper »

Komisioni Evropian do ta vizitojë kufirin Kosovë-Serbi në mënyrë që të bindet edhe vet se autoritetet e Beogradit e trajtojnë këtë kufi, si secilin kufi shtetëror. Këtë e kanë konfirmuar zyrtarët e Komisionit Evropian duke precizuar se vizita do ndodhë në mesin e muajit tetor dhe ka për qëllim të vërtetohet se ne ç’masë po implementohet protokolli i nënshkruar në mes EULEX-it dhe Serbisë. lexo me teper »

Nga: Veton  RUGOVA

Nuk është shumë me rëndësi a ka filluar a jo fushata zgjedhore e nëntorit?E keqja e punës është koncepti tashmë i njohur i partive politike mbi “fushatën parazgjedhore”, që, sipas partive më të vogla, ajo ekziston vetëm pas ditës kur shpallet e hapur zyrtarisht, sepse partitë e vogla nuk kanë kushte t’ia nisin me të tjerët sepse atyre u kushton fushata.Por para se të “hapet” (zyrtarisht dita e fushatës) a kanë lëvizur “për të mirë” partitë konkurrente nga pozicionet e njohura tashmë, të cilat janë shndërruar në gramafona të prishur të reprizimit të çdojavshëm të të njëjtave qëndrime. Qëndrimet janë vetëm verbale. lexo me teper »

Nga: Shinasi  RAMA

Sistemi politik qe tashme eshte konsoliduar ne shtetin shqiptar ka elemente te demokracise por, ne thelb, eshte nje sistem oligarkik i paster. Karakteristika thelbesore e sistemit oligarkik eshte perqendrimi i pushtetit ne duart e nje grupi familjesh qe kontrollojne ne te njejten kohe shtetin, ekonomine, mjetet e informimit si dhe vlerat qe bart ajo shoqeri. Hegjemonia e ketyre familjeve te lidhura me aleanca te shumefishta jo vetem qe e ka ngulfatur demokracine ne shtetin shqiptar, ajo po e shtyn popullin shqiptar drejt nje gjendje te veshtire. lexo me teper »

Nga: Shkëlzen  HALIMI

Të gjitha ata që mendojnë se akademikët maqedonas nuk e dinë të vërtetën e shqiptarëve, gabojnë shumë. Përkundrazi, ata e dinë shumë mirë, madje ndoshta edhe më mirë se shumë historianë shqiptarë. Po pse atëherë këta akademikë e bënë zhvendosjen e kësaj historie për më shumë se 2000 vjet, duke na bërë ardhacak (pas shekullit 16) dhe duke na emëruar edhe me epitete ofenduese? Nëse shqiptarët, sipas akademikëve maqedonas, paskan ardhur në këto vise shumë – shumë vonë, a do të thotë kjo (për shkak të afërsisë) se edhe në Kosovë shqiptarët na paskan ardhur në të njëjtën kohë? Problemi nuk kufizohet brenda Maqedonisë, por edhe më gjerë, duke i dhënë “argument” edhe palës serbe për ta shfrytëzuar këtë moment në “qërimin” e hesapeve me ata që pavarësinë e Kosovës e kanë konsideruar si realitet konkret. Pra, problemi kap përmasa më të gjëra dhe synon të shtresohet në “fuçinë e barotit” të Ballkanit. lexo me teper »

Nga: Ben  ANDONI

Deri atëherë, askush nuk dinte ndonjë gjë nga bashkëkohësit e tij, serbë. Në udhëtimet e tij, në viset e ashpra mes Malit të Zi dhe Shqipërisë, ai, do të gjente një rapsod popullor, që i këndoi me lahutë Betejën e Fushë-Kosovës. E endur me gjuhën popullore nën tingujt e mrekullueshëm të veglës gati antike, ajo tregonte sesi humbën ballkanasit ndaj Osmanëve në atë vend. Ishte viti ’28 i shekullit XIX, e Vuk Karaxhiqi i kishte ikur për pak kohë princit Milosh Obrenoviq, që e kishte ftuar për të shkruar kushtetutën e Serbisë së pavarur. Ishte aq i ndikuar nga idetë romantike të shkrimtarit të madh gjerman Gëte dhe i adhuronte aq shumë personazhet e Homerit, të Eskilit, të Sofokliut, saqë mendonte se ata duhet të jetonin në ndërgjegjen njerëzore përherë si shembull frymëzues. lexo me teper »