Lajmi Shqip

Versioni i ri i projektrezolutës për Kosovën, i përgatitur nga SHBA-ja dhe vendet e Evropës Perëndimore, është dorëzuar të enjten pasdite në Këshillin e Sigurimit të OKB-së. Ky version i projektrezolutës, nuk ndryshon shumë nga ai i 11 majit, kanë bërë të ditur burimet nga OKB-ja.
Shtetet e Bashkuara të Amerikës, kanë riafirmuar të enjten qëllimin e tyre, për ta parë Kosovën si një territor të pavarur – përkundër kërcënimeve të Rusisë për t’i vënë veto çfarëdo rezolute në Këshillin e Sigurimit të Kombeve të Bashkuara, e cila e mbështet atë.

lexo me teper »

Nga:Mentor KIKIA

Pas javë të tëra bubullimash dhe rrufesh kundër informalitetit, me epiqendër median, Kryeministri Berisha u shfaq dje një njeri plot xhentilesë në marrëdhëniet me biznesin, shoqërinë civile, botën akademike dhe me një vlerësim të ri për rolin e medias kundër këtij fenomeni. Pas një debati të gjerë lidhur me luftën kundër informalitetit, ai tha se nuk do të ndërmarrë tash e tutje asnjë hap pa u konsultuar me grupet e interesit, d.m.th biznesin dhe shoqërinë civile për këtë çështje.
lexo me teper »

Nga:Erl MURATI

Eh, ç’të bën varfëria”, – u komentuan dje faktet skandaloze të botuara nga “Gazeta Shqiptare”, se në shkollën greke në Korçë mësohet histori anti-shqiptare. Po, “varfëria” është alibia që shqiptarët e kësaj toke nxjerrin gjithmonë sa herë i vjen turp që quhen të tillë. “Eh, varfëria”, sa herë një shqiptar ndërron emrin në Selanik, … “Eh, varfëria”, sa herë një shqiptar vret e pret e vjedh nëpër Europë.
Por, humbja e ndërgjegjes kombëtare nuk mund të justifikohet kurrë me varfërinë. Humbja e gjuhës, deformimi i historisë, ndotja e flamurit nuk mund të kenë si shkak gjendjen e dobët ekonomike. Maqedonia, një vend i varfër po aq sa yni, nuk e ul kokën përballë presionit të Greqisë për çështjen e emrit të vet kushtetues.
lexo me teper »

Nga:Burim RAMADANI*

I-Tashmë, askush në Kosovë nuk ka hezitime rreth nevojës së ‘dizajnimit‘ të flamurit të ri të shtetit tonë të ardhshëm. Disa vjet më parë (jo edhe aq kohë të gjatë), kjo ishte një prej shumë tabu-temave në opinionin publik dhe politik të vendit. Edhe ato pak ide të dala në opinion nuk janë bërë në mënyrën më të duhur, ndërsa reagimet ndaj tyre nuk janë ndalur vetëm në deklarata. Djegia e një grumbulli të atij që ka marrë epitetin e ‘flamurit të Dardanisë‘ në Prishtinë pak vjet më parë pati dëshmuar qartë dhe pastër mungesën e vetëdijes shtet-formuese të strukturave të ndryshme në shoqërinë kosovare.
lexo me teper »

Shkruan:Ndue UKAJ

Romani “Nata me hënë” e Ismail Kadaresë, është një ndër prozat me specifike të korpusit të tij letrar, edhe pse në mendimin kritikë letrar nuk ka zënë vendin e romaneve tjera, sikundër “Gjenerali i ushtrisë së vdekur”, “Kronikë në gurë”, “Përbindëshi” etj. Ky roman shquhet për shumëllojshmërinë e trajtave diskursive që ka, si dhe për temën universale që shtjellon, por mbi të gjitha, për semantikën dhe lidhjet interletare që ndërton me diskurse kulturore të njohura në kulturën e shkrimit universal (Linda Hacion), atë që në kritikën letrare e quajmë intertekstualitet (Ronand Barhtes).

lexo me teper »

Nga:Miranda HAXHIA

Një realizëm politik është shënjuar si i domosdoshëm prej vëmendjes së opinionit politik, debatit të ideve, botës editoriale, prej opinionit publik, prej sferës politike si kombëtare ashtu edhe ndërkombëtare, sidomos për atë lloj mënyre që është konsideruar jo ideologjike, jo moralistike, por objektive, pa iluzione, efektive, edhe pse ndonjë herë cinike dhe shumë e ashpër.
Në pamje të parë duket teorike, por duke ndjekur kursin e zhvillimeve politike dhe strategjinë qeverisëse, kuptohet që ngërçi qeverisës dhe ai politik në zgjidhjen e problemeve qëndron në paaftësinë konceptuese, në vlerën e mangët intelektuale, në paaftësinë për të ndjekur sinjalet që përcjellin demokracitë e vendeve të tjera të cilat duam ti arrijmë, në mungesën e një kulture politike dhe ndërgjegje e qytetari në zgjidhjen e debateve të ndryshme.
lexo me teper »

Nga:Gjergj EREBARA

Numri i politikanëve të Tiranës që po vizitojnë Kosovën, u rrit gjithnjë e më shumë gjatë javëve të fundit. Disa, si psh, ish-ministri dhe ministri aktual i jashtëm, kishin ndonjë punëz të vockël në Kosovë të ngarkuar nga perëndimi për të nxitur ruajtjen e qetësisë mes popullatës. Disa të tjerë, nuk kishin fare punë, por gjetën rastin të shpallnin ndjenjat e veta nacionaliste, si dhe punën që kanë bërë në të shkuarën për lirinë e Kosovës.
Disa, si Nano e Milo, shkuan në Kosovë për të shpallur ndjenjat e tyre kombëtare për të rritur shanset si kandidatë për president. Disa të tjerë, thjeshtë për të marrë meritat e një lufte që u krye nga të tjerët dhe ku prej nesh u kërkua thjeshtë që të mos bënim asgjë, ndërsa shpesh u treguam të paaftë të bënim edhe këtë.

lexo me teper »

Shkruan:Jeton KELMENDI

Është për tu çuditur se si mundohemi të bëjë shtet e institucione dhe
në të njëjtën kohë liderët politik jo vetëm ata serbë por edhe
shqiptar krijojnë institucione paralele. Konkretisht në Kosovë i kemi
tri qeveri të cilat punojnë në vend. E para është qeveria e dalë nga
vota e popullit dhe e organizuar nga UNMIK-u, e dyta është Qeveria e
Serbisë që shtrin administrimin nëpër disa vende të banuara me
shumicë serbe. Kjo mbase nuk është e çuditshme për faktin se Serbia
përdorë të gjitha metodat për të penguar Kosovën drejt bërjes shtet
dhe zhvillimit si vend demokratik.
lexo me teper »

Neser në Potsdam të Gjermanisë,do të zhvillohet takimi i ministrave të Jashtëm të shteteve të G8-s, ndërsa tema kryesore që do të diskutohet në këtë takim, është rezoluta e re e Këshillit të Sigurimit të OKB-së për Kosovën, ka njoftuar Ministria e Jashtme gjermane.
Siç ka njoftuar zëdhënësi i kësaj ministrie, Jens Ploetner, ndër temat të tjera të këtij takimi, në mes të ministrave të Jashtëm të Gjermanisë, Francës, Italisë, Japonisë, Kanadasë, SHBA-së, Britanisë se Madhe dhe Rusisë, krahas Kosovës, do të jenë edhe Lindja e Mesme, Sudani dhe Afganistani.

lexo me teper »

Nga:Nazmi LUKAJ

Një gazetë kroate ka publikuar lajmin se SHBA-të dhe Rusia janë dakorduar mes vete për Kosovën. Sipas kësaj gazete (“Jutarni list”) “në enklavat serbe në Kosovë do të instalohen forcat ruse, Kosova për dy vjet nuk do të anëtarësohet në OKB dhe Ukraina e Gjeorgjia nuk do të pranohen në NATO”. Me këtë marrëveshje mes tyre, “Rusia do të votojë për rezolutën e re për Kosovën në Këshillin e Sigurimit”. Pikat e kësaj marrëveshjeje duken të jenë më shumë spekulative se sa të vërteta, sepse nuk mund të jetë e besueshme që rusëve t’u jepet drita e gjelbër për t’u instaluar në enklavat serbe në Kosovë.

lexo me teper »